«Da isch er, de Judas. Was macht dem sin Coiffeur eigentlich vo Bruef?»
«Weiss de, dass er Verteidiger isch? Immer de Vorderscht! Tubel!»
«Mir müend eifach immer über links gah! De Siech staht jeeedes Mal im Schilf.»
«Sooo schecht! De Hitzfeld hät de bi de WM doch nur mitgnah, will er en mit em Alain Sutter verwechslet hät.»
«Jaaaaaa! Dabbur, eis zu eis! Häsch gseh de Lang? Voll abgchochet worde. Was? Das isch er gar nöd gsi? Egal, isch glich en Pimmel.»
«Hahaaaa, jetzt aber! Staht det wie en Sack Härdöpfel. Yessss!»
«Sooo en Tubel. Die Flanke muesch vom Goalie weg zieh.»
«Wenn ich so wie de wür schaffe, dänn chönnti morn ufs RAV. De Fischer nimmt en sicher use.»
«So schlecht de Lang. Wenn de en Zug wär, wür er entgleise.»
«Gits würkli kei Bier im Stadion? De Cheib isch doch hundertprozentig bsoffe.»
«Hallo, de chli Michi hät sich im Letzi verirrt. Sis Mami söll en bitte bi de Kasse drü abhole.»
«De Lang isch nöd nur schlecht, de isch au eifach hässlich.»
«Zwei Spiel gib ich dem nah. Dänn hätter en Stammplatz ufem Bänkli.»
«Fuck! Neeeeei! Wieso grad de? Wieso grad deeeeeee? Wiesooo?»
«Nöd mal richtig juble channer.»
Stille.
«Ich gönns keim vo dene. Aber dem am allerwenigste. Gömmer gah suffe? Ok, wohi? Langstrass?»