Schweiz
St Gallen

Olma: Ralph Weibel erklärt, warum sie eine Hundsverlochete ist

Oktober 1997: Zu Fuss zieht die Hinderwälder Kuh Helga mit ihrem Besitzer Ueli Kuenzle von Trogen an die Olma in St.Gallen.
Oktober 1997: Zu Fuss zieht die Hinderwälder Kuh Helga mit ihrem Besitzer Ueli Kuenzle von Trogen an die Olma in St.Gallen.
Bild: KEYSTONE

Wenn jemand einen Hass-Text über die Olma schreiben darf, dann ein St.Galler: Ralph Weibels legendäre «Hundsverlochete»  

13.10.2015, 09:5913.10.2015, 13:51
Mehr «Schweiz»

Die Olma ist ja so eine Sache. Die meisten St.Galler finden sie grossartig und wanken elf Tage lang besoffen durch die Bier- und Degustationshallen. Dazwischen werfen sie auch immer mal wieder gerne einen Blick auf das immense Gemächt des zur Schau gestellten Stiers.

In der Mitte: Bundesrat Ernst Brugger bei der 29. Eröffnung der OLMA am 7. Oktober 1971 in St.Gallen.
In der Mitte: Bundesrat Ernst Brugger bei der 29. Eröffnung der OLMA am 7. Oktober 1971 in St.Gallen.
Bild: KEYSTONE, bearbeitung watson

Es gibt aber auch die anderen. Die St.Galler, die die Olma für eine «Hundsverlochete» halten. So wie der Poetry Slammer Ralph Weibel. Der hat in seiner «Toilettenlektüre» (2012) einen wunderbar klischierten Hasstext über die Landwirtschaftsmesse und ihre alljährlichen Besucher geschrieben. Daran wollen wir uns jetzt ein bisschen ergötzen.

Ralph Weibel entspannt. Vielleicht, weil er nicht an der Olma ist.
Ralph Weibel entspannt. Vielleicht, weil er nicht an der Olma ist.
bild: facebook/ralph weibel

Obacht, es wird viel geflucht und es werden grüsige Wörter verwendet. Das ist ganz normal. St.Galler reden so.

«Gosch au a d'Olma?»

«St.Galle, diä Provinz am Arsch vo dä Schwiz, hät ä ganz eigeni Zit-Rechnig. Äs git vor dä Olma und noch dä Olma. Und natürlich während dä Olma, und da isch diä Zit, wo Di gopfertammi jedä dä glich Seich fröget: ‹Gosch au a d'Olma?› Mindeschtens 10 Täg vor dem landwirtschaftliche Botteléon und denn 10 Täg während äm Koma-Suffe bewegt kei anderi Frog. Und no 10 Täg nochher will irgend än Tubel wüsse, ob a dä Olma gsi bisch. Und di meischte vo denä Tuble merked no nöd ämol, dass diä Schiiss-Hundsverlochete gar nöd 10 Täg goht, sondern 11, und jede dävo isch eine z'viel.» 

Appezellerine, Rhintaler Wiiber und Type mit Edelwiis-Hemper

«S'schlimmscht a däre blöde Olma isch, dass sie en Hufe Lüt azieht, wott sösch s'ganz Johr nöd gsesch. Und da isch au guet so, will diä meischte wötsch gar nöd gseh.»

Der Bündner Regierungspräsident Leon Schlumpf (links) mit Bundespräsident Ernst Brugger und einer Delegation aus der kleinsten Bündner Gemeinde, Landarenca im Calancatal, bei der 32. Eröffnung der OLM ...
Der Bündner Regierungspräsident Leon Schlumpf (links) mit Bundespräsident Ernst Brugger und einer Delegation aus der kleinsten Bündner Gemeinde, Landarenca im Calancatal, bei der 32. Eröffnung der OLMA am 10. Oktober 1974 in St.Gallen.
Bild: KEYSTONE
«Di mittelalterliche Frau mit blonde, blaue, rote – und wenn's ganz schlimm chunt violette – Strähnli oder Mäsch im Hoor sölled dött härä, wo's härä ghöred, und da isch gopferteckel dä Maitanz z'Wifelde oder d'Wahl vo dä Thurgauer Öpfelkönigin.»

«Und diä Appezellerinne mit dä Glitzer-Steili uf dä falsche Fingernägel und ärä Faserpelzjagge vo dä Ebenalpbahn wo wägä jedem Seich lached, ein Appezeller am andere sufed und uf äm Hää-weg s'ganz Appezellerbähnli verbrosmed, will's uf dä Fress-Tripp chömed und da Pfund Magebrot selber verdrucked, wo's eigentlich am Alte hend wölle in Stall bringe.»

Bundesrat Fritz Honegger bei der 39. Eröffnung der Olma am 14. Oktober 1981.
Bundesrat Fritz Honegger bei der 39. Eröffnung der Olma am 14. Oktober 1981.
Bild: KEYSTONE

«Nöd zum Ushaltä sind au diä Rhintaler Wiiber. Diä kennsch sofort. Meischtens hend's so Bluse, so Bluse mit so Paillette oder irgend än farbige Vogel uf äm T-Shirt und Jeans mit Swarosvski Steili und s'Födle druckts fascht us dä Hose, will's vil z'wenig Stoff hät für so vil Frau. Diä hocked immer amä Wii-Stand, kipped ein Wisse am andere, und denn muesch di nöd fröge, denn werdet's natürli aggressiv und scharf grad au no. Diä Rhintaler Wiiber verlüüred alli Hemmige und stecked allem Zunge in Hals.»

No Components found for watson.skyscraper.
Haupteingang der 1. Olma 1943 an der Museumstrasse.
Haupteingang der 1. Olma 1943 an der Museumstrasse.
bild: foto gross und foto zumbühl, st.gallen/ archiv olma messen st.gallen 

«Und Type, Type gsehsch a däre Olma. Doh frogsch di mengmol scho: Wa hät sich dä liäb Gott nur überleit, won er diä Type gmacht hät. Irgend öpper mues ihm doh grausam dri-pfuschet ha. Wohrschindlich eine wo än Edelwiis-Hemper-Lade hät. [...] Si stönd im Kreis und hend Froid, wenn ä paar halbstarchi Stadt-Weicheier mit ihnä än Schnupf nämed. [...] Und denn nüüsst eine noch äm andere, und alli findet's sauglatt, wenn's änä s'letschte bitzeli Reschthirni zu dä Nase us jaggd.»

Bundesrat Otto Stich (links) und der Olma-Präsident Heinz Christen im Oktober 1988.
Bundesrat Otto Stich (links) und der Olma-Präsident Heinz Christen im Oktober 1988.
Bild: KEYSTONE

«Diä Geiferi!»

«Und während dä Einte vom Schnupfe no dä Schnodder is lauwarmi Bier tropfet, geiferet die andere. Diä Geiferi! Meischtens Manne gägä di 50zgi, wo agschtrengt dä Buuch izüched und viel z'jungi Fraue a-baggeret. Und denn zahlet's und zahlet's, nur damit's inen viel z'grosse Usschnitt vo sonere Bank-Lehrtochter chönd gaffe.»

«Irgendwenn hend's denn ihri Pfote nümä im Griff und fanget a umetöple und dä Meischte isch da glich i dem huere Puff ine, oder si merket's gar nüme vor luter Bsöfni.»

Dä Heiwäg

«Dä gröscht huere Schiiss-Job hend d'Securitas, wenn's die Meuti us äm kollektive Delirium vo dä Degustations-Halle a die frisch Luft jage mönd. Jede picklig Teenie hät denn s'Gfühl, är chön no ä dummi Schnorre ha i sim alkohlgschwängerte Grössewahnsinn. Und i däre Stimmig tschumplet all diä Tschumpel denn dur dä Johrmarkt Richtig Stadt.»

1944: Der Lunapark auf dem Spelteriniplatz.
1944: Der Lunapark auf dem Spelteriniplatz.
bild: Foto Gross und Foto Zumbühl, St.Gallen/ Archiv Olma Messen St.Gallen
«Dä eint oder die ander haut no ä Chäs-Schnitte ine, frisst ä Raclette oder ä St.Galler Brodwurscht und chotzt dä ganz huere Dreck hinder dä Stand mit dä Gmüesraffle.»

«Natürlich will niemerd hei, und drum goht mä i Peter-Schildknecht-Gastronomie, suft d'Stange für 8 Franke 50 und hät s'Gfühl, dä Wucherpriis gäb eim s'Recht, uf äm Heiwäg irgend inen Husigang z'seiche.»

Schlusswort

Unter Anleitung von Susi (das grosse Rennschwein in der Mitte) trainieren die jungen Schweine für ihren Auftritt an der Olma 1998.
Unter Anleitung von Susi (das grosse Rennschwein in der Mitte) trainieren die jungen Schweine für ihren Auftritt an der Olma 1998.
bild: keystone
«Wenn mi jetzt nomol öpper wött froge, ob i a d'Olma gang, denn hät er irgendöppis vo dem Text nöd richtig verstande.»

Hier liest Ralph Weibel seine «Hundsverlochete» vor:

Passend dazu: So zeigt sich St.Gallen auf Instagram

1 / 59
So zeigt sich St.Gallen auf Instagram
Starten wir mit den drei Sujets, die sehr oft auf Instagram-Bildern aus St.Gallen auftauchen: Die Stiftskirche – hier von «coriliscious» im Gegenlicht festgehalten – wird wohl am meisten abgelichtet.
Auf Facebook teilenAuf X teilen

Dir gefällt diese Story? Dann teile sie bitte auf Facebook. Dankeschön!👍💕🐥

DANKE FÜR DIE ♥
Würdest du gerne watson und unseren Journalismus unterstützen? Mehr erfahren
(Du wirst umgeleitet, um die Zahlung abzuschliessen.)
5 CHF
15 CHF
25 CHF
Anderer
twint icon
Oder unterstütze uns per Banküberweisung.
Das könnte dich auch noch interessieren:
14 Kommentare
Weil wir die Kommentar-Debatten weiterhin persönlich moderieren möchten, sehen wir uns gezwungen, die Kommentarfunktion 24 Stunden nach Publikation einer Story zu schliessen. Vielen Dank für dein Verständnis!
Die beliebtesten Kommentare
avatar
slopez
13.10.2015 13:10registriert Dezember 2014
Obwohl ich d Olma mag und jedes Johr gang, hät ers uf dä Punkt troffe. Besser cha mas nöd beschriebe. Danke für die lustig Ufmunterig annem so graue Tag!
412
Melden
Zum Kommentar
avatar
ESMI
13.10.2015 11:39registriert September 2014
Genial! Besser kann man es nicht sagen :-)
382
Melden
Zum Kommentar
avatar
Ignorans
13.10.2015 11:52registriert Mai 2015
I cha nümm...
382
Melden
Zum Kommentar
14
Höhere Lohnbeiträge für Finanzierung der 13. AHV-Rente – SP ist erfreut, FDP und SVP toben
Der Bundesrat will die 13. AHV-Rente ab 2026 auszahlen. Für die Finanzierung schlägt er eine Variante nur mit höheren Lohnbeiträgen und eine zweite Variante mit mehr Lohnbeiträgen und höherer Mehrwertsteuer vor. Zudem will er den Anteil des Bundes an die AHV senken.

Die von Gewerkschaften lancierte Volksinitiative für eine 13. AHV-Rente nahmen Volk und Stände am 3. März an, mit deutlichem Mehr. Die Erhöhung wird nach Angaben des Bundesrates vom Mittwoch im Jahr der Einführung 4,2 Milliarden Franken kosten. Fünf Jahre später dürften es dann rund 5 Milliarden Franken sein.

Zur Story