«Ich han es Virus iigfange» – Ein Mani Matter-Cover
Ich han es Virus iigfange
Und das hät en Hueschte gäh
Und ich han zum nöd Aastecke
Wele ganz fescht Rücksicht näh
Aber s‘Virus isch devoo gspickt
Und uf mini Händ druf cho
Ad Händ vom Nächschte
Und id Nase und dänn wiiter so
S‘Virus hät e Reis aagfange
Vo Mänsch zu Mänsch
1, 2, 4, 8
Hät de Peter und dänn d‘Margrit und de Chrigi fiebrig gmacht
Und es isch dänn glii druf scho
Zur nächschte Landesgränze cho
Au de Zöllner und sin Chef
Id Quarantäne gnoh
Glii scho isches drum is Ussland
Auf Hochdeutsch und en français
Isch im Flüüger quer durch Schenge
Ja, das chas bim Hueschte gäh
Isch vo Frankrich, et voilà
Nonstop uf Amerika
Und trotz em Donald sinre Wand
Wiiter uf Tijuana
Immer wiiter isches gange
I volle Clubs, im Pendlerstau
I de Ängi vom beliebte
Südamerika-ÖV
Det sind d‘Büss halt schaurig voll
S‘Virus - en espaniol (sorry, gaht wägem Rhythmus nöd mit ñ)
Hät de ganz Kontinänt packt
Ui nei, wie grauevoll
Ja, mer weiss was chan passiere
Wänn mer kei Rücksicht möcht näh
Wänn mer d‘Händ nöd rächt wett wäsche
Und sich nöd richtig Müeh wett gäh
Glii sinds nämli; nei, wie gruusig
Statt dir und mir scho 100'000
Vo de Schwiizerhand
Bis i di letschti Strandbehuusig
Ich han es Virus iigfange
Und das hät en Hueschte gäh
Und ich han zum nöd Aastecke
Ganz fescht Rücksicht wele näh
Aber s‘Virus isch devoo gspickt
Fascht uf mini Händ druf cho...
...Gottseidank dass ich min Ellboge VORS GSICHT HA GNOH.
Pony M. auf Facebook
Yonni Moreno Meyer online
